आज मिति २०७८।११।२ गते अन्तर्राष्ट्रिय सम्वन्ध समिति अन्तर्गतको नागरिक उड्डयन समस्या समाधान समितिले श्री संस्कृति, पर्यटन तथा नागरिक उड्डयन मन्त्रालयका सचिव श्री महेश्वर न्यौपाने र नेपाल नागरिक उड्डयन प्राधिकरणका महानिर्देशक ई. श्री प्रदीप अधिकारी सहित प्राधिकरणका अधिकारीहरुसंग निर्माणाधिन अन्तर्राष्ट्रिय तथा आन्तरिक विमानस्थलहरु, प्राधिकरणले उठाउंन बांकी बक्यौता लगायत अन्य नागरिक उड्डयनसंग सम्वन्धित विविध विषयहरुमा छलफल भयो । छलफलका क्रममा समितिले विमानस्थल निर्माण बारे राखेको जिज्ञासामा महानिर्देशक ई. श्री प्रदीप अधिकारीले प्रष्ट पार्नु भएको थियो । छलफलमा प्राधिकरणको बांकी बक्यौता यथाशिध्र उठाउन समितिका  तर्फबाट  निर्देशन प्राप्त भयो ।